غزل
پروفیسر موہن سنگھ
یاد تیری رنگینیاں ونڈدی
کدی تاں وانگ بہار آئے
غمیاں اتے اداسیاں دیندی
کدی وانگ پت جھڑ آئے
کدی ساون دے بدلاں وانگوں
دل اتے دل چاڑھ آئے
کدی بجلیاں وانگ میگھلے
کردی تارو تار آئے
کدی چانن دے رتھّ تے بیٹھی
دھمدی دھمی ہار آئے
کدی چلکنی دھپ دی سگی
سیس اتے لشکار آئے
کدی آتھناں وانگ مانگ وچ
بھر کے رنگ ہزار آئے
چپ داتی غم داتی بن کے
کدی وانگ اندھکار آئے
کدی پکڑ رشماں دیاں لاساں
اتر چاندنی ہار آئے
کدی لجاندی وانگ بہو دے
کدی نچاندی چیچی اتے
چنچل نعر چھنار آئے
کدی چھنکدی اتے منکدی
نچدی وانگ نچار آئے
کدی پچھوں دی اکھاں میچن
پولے پباں بھار آئے
صدقے اسدی لیلہ اتوں
آئے سو سو وار آئے
یاداں تے کوئی کچرک جیوے
جے نہ آپ پیار آئے
