جہانگیر ترین تے اوس دے گھر دیاں اُتے ارباں دے فراڈ دا مقدمہ درج
لہور( پنجابی میڈیا گروپ ) وفاقی چھان بین والے ادارے(ایف آئی اے) نے سوا تن ارب روپے دے مالیاتی فراڈ اتے جہانگیر ترین، ایہناں دے بیٹے علی ترین، داماد تے فیملی دے دیگر افراد اتے مقدمہ درج کر لیا۔میڈیا رپورٹس دے مطابق جہانگیر ترین نے اپنے داماد دی کاغذ بنان والی بند فیکٹری فاروقی پلپ کمپنی دے اکاؤنٹ وچ جی ڈی ڈبلیو کمپنی توں سوا تن ارب منتقل کیتے، بند فیکٹری وچ منتقل ہون والی رقم بعد ازاں فیملی ممبران دے اکاؤنٹس وچ منتقل ہوئی۔ ایس طرحاں بند فیکٹری وچ پیسے لگا کے 3 ارب توں زائد دی منی لانڈرنگ کیتی گئی۔ جہانگیر ترین تے اہلخانہ نے اوپن مارکیٹ توں ڈالر خریدے تے رقم بیرون ملک منتقل کیتی۔جہانگیر ترین دی فیکٹری وچ 26 فیصد پبلک شیئر ہولڈرز نیں۔ایف آئی اے نے جہانگیر ترین دے دست راست پچھلے سیکرٹری زراعت رانا نسیم دے خلاف وی مقدمہ درج کرلیا۔
Load/Hide Comments





















