غزل

ڈاکٹر یونس احقر

خبر تے ہے پر چنگی کوئی نہیں
ڈاکوواں وچ ملنگی کوئی نہیں
جیون ای بس رہیا نہیں ممکن
ہور تے سانوں تنگی کوئی نہیں
ہو گئے آں مقروض لکھاں دے
شئے پر کدھروں منگی کوئی نہیں
سلطاناں دی تھوڑ نہیں اج پر
ایہناں دے وچ زنگی کوئی نہیں
رانجھے ونجھلیاں توں وانجے نیں
بلہیاں کول سارنگی کوئی نہیں
سوچ اوہناں دی کیوں باقی اے
جے ا یتھے فرنگی کوئی نہیں
ایسے توں نت رہے آں دکھی
خواہش اپنی ڈھنگی کوئی نہیں
بند ہوون کنج در جرماں دے
لاش چوراہے ٹنگی کوئی نہیں
احقرؔ ایہ دکھ دسیے کہنوں
سنگ بڑے نیں سنگی کوئی نہیں