فیصلہ کرو ، نظام بدلو ۔۔۔!!!
تحریر:وقار احمد وقار
حضرت واصف علی واصف ؒ دا فرمایا اج لکھیا پڑھ کے وی اوہ ای لطف و معنی دیندا اے جو اوہناں دے ساہمنے بہہ کے اوہناں دے مونہوں سُنن پاروں نصیب رہندا سی۔
آپ ؒ فرماندے نیں کہ
انسانی زندگی فیصلہ کرن دی اہمیت دے سبب پاروں بڑی اہم اے۔انسان نوں خالق عقل عطا فرمائی اے تے مضبوط اعصاب دی نعمت نال نوازیا اے۔اوہدے ساہمنے زندگی دی کتاب کھول کے رکھ دِتی اے مطلب انسان دے ساہمنے قوماں دا ماضی اے ، حال اے تے ایہدی روشنی وچ اپنے قومی مستقبل لئی بہتر پلان بنان دا موقع۔اوہنوں اختیار دِتا گیا اے کہ اوہ فیصلہ کرے اپنے لئی تے اپنی قوم لئی ۔اوہ فیصلہ کردا اے پَر دُکھ اَیس گل دا اے کہ اوہ کوئی اِک سودمند فیصلہ کرن دی بجائے ساری عُمرفیصلے ای کردا رہندا اے ۔ لکھ لکھ کے مٹاندا تے مٹا مٹا کے لکھدا رہندا اے کہ اخیر وقت اوہنوں اپنا فیصلہ سُنا دیندا اے۔
انسان نوں جدوں وی کوئی مشکل تے صحیح معنیاں وچ مشکل درپیش ہندی اے اوہ وقت ای اصل فیصلے دی گھڑی ہندا اے تے ایہ گھڑی ایس قوم ساہمنے بار بار آئی اے۔چھوٹی موٹی گلاں توں لے کے وڈّے وڈّے کم کاراں تک اسیں فیصلیاں دی مدد نال ای چلدے آں۔اپنے کیتے فیصلیاں پاروں ای عروج حاصل کردے آں تے فیصلیاں پاروں ای زوال۔انسان کول فیصلہ کرن لئی مختصر جیئہا اِک لمحہ ای ہندا اے تے نتائج بھگتن لئی ساری زندگی ۔اک وار ہو جان والا بنیادی فیصلہ کدی بدلیا نئیں جا سکدا یعنی موجودہ پیدا شدہ قومی صورتحال دے پیشِ نظر اشارہ ایہ اے کہ
میچ دے آغاز توں پہلاں اختیار کیتی گئی درست حکمتِ عملی تے کیتا فیصلہ ای سودمند رہندا اے میچ دوران بار بار فیلڈنگ بدلن نال مثبت نتائج گھٹ ای ملدے نیں وکھری گل کسے خوش بختی پاروں اک ادھی وار تُسیں میچ جت لو خواہ اوہ ورلڈ کپ ای کیوں نہ ہووے۔فیصلہ کوئی وی نتیجہ حاصل کرن دی بنیاد ہندا اے۔
بنیادی غلط فیصلہ ہو جان بعد بار بار فیصلے بدلدے رہن دی بے مقصد مشق دہرانی پیندی اے تے ایہو کجھ ایس وقت ہو رہئیا اے۔
اپنے سوہنے وطن پاکستان لئی ایس قوم نو بار بار فیصلہ کرن دا موقع نصیب ہوئیا ۔ساڈا ملک عجیب و غریب صورتحال دا شکار رہئیا اے۔اساں جدوں دا ہوش سنبھالیا اے ایتھے جمہوریت تے مارشل لاء دا کھیڈ ای ویکھن نوں نصیب رہئیا اے۔مارشل لاء نوں جمہوریت رخصت کردی اے تے جمہوریت نوں فیر مارشل لاء کھا جاندا اے تے ایس وقت تے صورتحال ہور پریشان کن اے کہ ایہ جمہوری مارشل لاء دا دور اے جہڑا سبھ نالوں بھیانک محسوس ہو رہئیا اے۔
ایس قوم نوں طاھرالقادری صاحب دھرنے دے دناں وچ ملکی سسٹم بدلن لئی کال دِتی سی پر سوائے طاھرالقادری صاحب دے نظریاتی ورکراں دے دُوجے سارے ہتھ وچ چاء دا کپ پھڑ کے ٹی وی آن کر کے انٹرٹینمنٹ دی حد تک ای رہئے تے گھروں باھر نہ نکلے جے قوم نکلدی تے اج حالات مختلف ہندے۔
٭٭٭
پیریں پان والی جُتّی لئی
جہڑے دس دُکاناں پِھردے
اوہناں نوں کیوں پَتا نئیں
کہڑے لیڈر تاج نیں سِر دے
٭٭٭
رب دا فیصلہ اے کہ
جدوں تک کوئی قوم اپنی تقدیر بدلن دا فیصلہ نئیں کردی اودوں تک رب ولوں وی کجھ نئیں ہندا۔
کدی نفاذِ اسلام دا فیصلہ ہویا سی اوہدا کیہ بنیا ؟ اسیں فیصلیاں والی قوم بندے جا رہئے آں۔بڑے وڈّے فیصلے ، بڑی جلدی فیصلے۔۔۔چوکھے تے ڈھیر فیصلے بلکہ فیصلے ای فیصلے!!!
جدوں عمل دا وقت ہندا اے اسیں نویں فیصلے کرن ٹر پیندے آں۔ایہ قوم بڑی دیر دی فیصلیاں دا کھیڈ کھیڈدی تے نتائج بھگتدی آ رہئی اے پَر اجے تک اصل تے درست فیصلہ کرن دے قابل نئیں ہوئیی۔اسیں شاید ایہ نئیں جاندے کہ ساڈے کیتے فیصلیاں اُتے اِ ک ہور فیصلہ نافذ ہو جاندا اے تے ایہ فیصلہ وقت دا فیصلہ ہندا اے تے وقت دے ساہمنے ساڈے کیتے فیصلے دھرے دے دھرے رہ جاندے نیں۔
صاحبانِ فہم و بصیرت نوں غور کرن دی لوڑ اے کہ بحیثیتِ قوم اساں ہن تک کنج دے فیصلے کیتے نیں تے اگے سانوں ہن کنج دے فیصلے کرن دی لوڑ اے۔اسیں سارے زیادہ دیر تک فیصلیاں دے مقام اُتے فائز نئیں رہ سکدے۔
میںکھل کے کہنا چاہندا آں کہ طاھرالقادری ایس سسٹم نال لڑدیاں لڑدیاں تے قوم دا اجتماعی شعور بیدار کرن دی جدوجہد دا حق ادا کردیاں قوم نوں سبھ کجھ بھگت لین بعد اپنے ہُن تک دے کیتے فیصلیاں اُتے سنجیدہ غور کرن لئی وقت تے مہلت دین لئی ای حکمتاً چُب کر کے کجھ دیر لئی خاموش سائیڈ تے ہو کے بیٹھ گئے نیں وکھری گل کہ بیٹھے اجے وی نئیں اپنا دینی تحریری کم مکمل کر رہئے نیں کہ اوہ اپنا وقت کدی وی ضائع نئیں کردے۔
طاھرالقادری صاحب دے پچھے محترم المقام جناب قیّوم نظامی صاحب جاگو تحریک دا آغاز کرکے قوم وچ نظام بدلن دی تحریک دا سوشل میڈیا راہئیں تے عملی طور سماجی سرگرمیاں پاروں جاگو تحریک دے نام تے منظّم آغاز کر چکے نیں جہڑا نظام بدلن دی خواہش رکھن والے ہر ہر فرد لئی مایوس نہ ہون دا پیغام اے۔
بقول شاعر
٭٭٭
کرے جو بھی بیدار اپنا وہی ہے
سمجھتے ہیں باقی سبھی ہم پرائے
فریبِ نظر کو بڑا سَہہ لِیا اَب
بدلنے کوئی مُلکی سسٹم کو آئے
٭٭٭
نظریاتی لوگ شخصیات پرست نئیں ہندے ہاں شخصیات پسند ضرور ہندے نیں۔
٭٭٭
حکمت کو اِک گمشدہ لعل سمجھو
جہاں پائو اپنا اِسے مال سمجھو
٭٭٭
ایس قوم کول عمران خان صاحب نوں اپنی آخری امید سمجھن بعد ہن تک دے حالات بھگت لین بعد ہُن اِکو ای آخری موقع اے کہ نظام نوں بدل دین والے مخلص لیڈراں دا ساتھ دے کے اپنے مقدّر نوں بلن والا کوئی سنجیدہ تے معنی خیز فیصلہ کرے ۔
طاھرالقادری صاحب نے ایس قوم نوں بڑیاں واجاں ماریاں نیں ہُن ایس قوم دی واری اے کہ جاگے تے حقیقت سمجھدیاں طاھرالقادری صاحب دا ترلا منت کرے کہ
٭٭٭
چلے آئو کہ ہے وہی رونا دھونا
ہُوا اِن سے کچھ اور نہ کچھ ہے ہونا
کھلاڑی کو عادت ہے بس کھیلنے کی
غریبوں کا ہر پل بنا ہے کھلونا
سمجھ سے ہے غربا کی تبدیلی باہر
ملا خاک میں ہائے سپنا سلونا
بتانے کو سبزی کی قیمت ہی کافی
ہے مہنگائی نے اور کیا بیج بونا
لگاتا نیا روز ہے ایک جھٹکا
خدا جانے اور چین کتنا ہے کھونا
ملے مُسکراہٹ نہ چہروں پہ ہائے
حکومت کا بس کام پلکیں بھگونا
وطن باسیوں کی سمجھ میں نہ آئے
ہے کیا اوڑھنا اور کیا ہے بچھونا
بنی گالہ میں اپنے کتّوں کو پالے
غریبوں کا پَر دے سُنائی نہ رونا
٭٭٭
میں دوبارہ کہہ رہئیا آں کہ ایہ قوم کول آخری موقع اے بعدوں مجرم جگان والے طاھرالقادری ورگے مخلص لیڈر نئیں بلکہ ایہ قوم سمجھی جاوے گی کہ رب تے اپنے نبی ؐ نوں فرما چھڈیا سی کہ ایہناں بارے اینا پریشان نہ رہئیا کرو کہ تھاڈا کم صرف فرما دینا تے سمجھا دینا اے کسے دے بدلن نہ بدلن دا تھانوں ٹھیکہ نہ ملیا اے تے نہ ای ایہ قانونِ قدرت اے
٭٭٭
عطا اُس کو رب سے ہے وہ راج کہ جو
کوئی حَد ہے رکھتا نہ کوئی کنارہ
وہ کہہ جو گیا ہے وہی ہو رہا ہے
سمجھتا کوئی کاش اُس کا اِشارہ
٭٭٭
