سازشاں کرن والیاں نوں کامیاب نہیں ہون دیاں گے ، چودھری سرور
اسلام آباد (پنجابی میڈیا گروپ) گورنر پنجاب چودھری سرور نے آکھیا اے کہ عدم استحکام دی سازشاں کرن والیاں نوں کامیاب نہیں ہون دیاں گے ،کرپشن ورغے جرائم نوں سرکار جڑاں توں ختم کرن دی پالیسی اتے گامزن اے۔ ایہناں خیالات دا اظہار اوہناں نے ای یو پاک فرینڈ شپ فیڈریشن پرتگال دے وفد دے نال گل بات کردیاں ہویاں کیتا۔ فد وچ صدر سید قاسم سجاد، راجہ ذوہیب ظفر، چودھری تجمل کھٹانہ تے دیگر شامل سن۔ ایس موقع تے گورنر پنجاب چودھری سرور داآکھنا سی کہ وزیراعظم عمران خان دی قیادت وچ ملک درست سمت وچ جارہیا اے اوہناں نے آکھیا اے کہ موجودہ س رکار ذاتی سے سیاسی نہیں اے بلکہ اوہ ملکی وقومی مفادات دا تحفظ کر رہی اے۔ چودھری سرور نے آکھیا اے کہ کشمیر اج وی پاکستان دی شہ رگ اے تے عمران خان کشمیریاں دے سفیرنیں۔ اوہناں نے مزیدآکھیا اے کہ بھارت کشمیریاں دا قاتل اے تے سرکار دی ایہہ واضح پالیسی اے کہ ایہناںدے نال تجارت نہیں ہووے گی۔





















