قرضیاں دا بھار قوم اُتے پا کے ظل سبحانی لندن کوچ کرگئے:فردوس عاشق

لہور(پنجابی میڈیا گروپ)فردوس عاشق اعوان نے آکھیااے کہ ماضی دے حکمراناں نے خدمت دے ناں اتے جائیدادا ں بنائیاں تے اپنی تجوریاں بھریاں‘ قرضیاں دا بوجھ قوم دے کندھیاں اتے پا کے ظل سبحانی منشی سنے لندن کوچ کرگئے۔تفصیلات دے مطابق معاون خصوصی اطلاعات پنجاب ڈاکٹر فردوس عاشق اعوان نے سماجی رابطے دی ویب سائٹ تے ٹویٹ وچ آکھیا اے کہ ماضی دے حکمراناں نے عوام دے حقوق دا استحصال کیتا۔ کرپٹ ظل سبحانی جھوٹھیاں دی رانی عوام دے متھے مار گئے۔ فردوس عاشق ہوراں نے مزیدآکھیااے کہ عوام نوں زیادہ توں زیادہ سہولیات فراہم کرنا بزدار سرکار دا مشن اے۔ بزدار سرکار نے کرونا ویکسین لگوان والے بزرگ شہریاں‘ خصوصی افراد دی پک اینڈ ڈراپ لئی ایمبولینس سروس داآغاز کردتااے۔ ایمبولینس سروس بزرگ شہریاں، خصوصی افراد نوں گھر توں سنٹر اتے پہنچائے گی تے فیر گھر ڈراپ کرے گی۔

اپنا تبصرہ گھلو