ڈسکہ دا فیصلہ نے عوام دے دل جِت لئے، مریم اورنگزیب

اسلام آباد(پنجابی میڈیا گروپ)مسلم لیگ ن دی ترجمان مریم اورنگزیب نے آکھیا اے کہ ڈسکہ الیکشن توں متعلق سپریم کورٹ دا فیصلہ ڈسکہ دی عوام دا ترجمان اے۔ پوری قوم ،مسلم لیگ ن دی بہادر بیٹی نوشین افتخار تے مسلم لیگ ن دے ورکرز نوں مبارک باد پیش کردی اے ‘ پاکستان دی عوام ہن جاگ چکی اے۔ سپریم کورٹ دے بار میڈیا دے نال گل بات کردیاں ہویاں اوہناں نے آکھیا پاکستانی قوم نواز شریف دے ووٹ نوں عزت دیو دے نعرے نوں سمجھ چکی اے۔جس دن عوام نے ووٹ نوں عزت شروع کردتی تے آرٹی ایس نہیں بیٹھے گے۔جہڑے لوکائی آٹا,بجلی,دوائی تے چینی چور نیں۔اج دے عدالتی فیصلے دے بعد میرا مطالبہ اے کہ پنجاب سرکار جس نے الیکشن دے عملے نوں چوری کیتا ایس نوں منظرعام اتے لے آیا جاوے۔ وزیراعظم عمران خان تے وزیراعلیٰ عثمان بزدار نے جہناں لوکائی نوں ووٹ چوری لئی لگایا ایہناں نوں بوری بستر لادنا چاہیدا ے۔ وزیر اعظم عمران خان تے عثمان بزدار نوں استعفیٰ دے دینا چاہیدا اے۔آئی جی پنجاب تے ڈسکہ دے پلیس افسران وی مستعفی ہون۔مریم اورنگزیب ہوراں نے مزیدآکھیا اے کہ الیکشن کمیشن نے ڈسکہ وچ دوبارہ چنا دا تاریخی فیصلہ دتا اے۔

اپنا تبصرہ گھلو