مہنگائی نے عوام دا جینا محال کر دتااے : حمزہ شہباز

لہور (پنجابی میڈیا گروپ) پنجاب اسمبلی وچ قائد حزب اختلاف حمزہ شہباز نے آکھیا اے کہ کرپٹ تے نالائق حکمراناں نے لہور نوں کوڑا کرکٹ دا ڈھیر بنا دتااے ،نالائق تے کرپٹ عمران خان نیازی نے ملک د ی معیشت نوں ناقابل تلافی نقصان پہنچایا اے۔ مہنگائی دا معاشی تباہی نے عوام دا زندہ رہنا محال کردتااے۔ اپنے بیان وچ حمزہ شہباز نے آکھیا اے کہ نوازشریف تے شہبازشریف دے دور وچ عوام نوں مفت دوائیاں تے علاج مل رہیا سی۔ اج کینسردے مریضاں کولوں مفت دوائی‘ عوام کولوں مفت علاج کھو لیا گیا اے۔ اوہناںںنے مزیدآکھیاکہ مسلم لیگ (ن)دے دور وچ 52 روپے فروخت ہون والی چینی اج 120 روپے کلو عوام خریدن اتے مجبور نیں ،ساڈے دور وچ 32 روپے فروخت ہون والا آٹا اج 80 روپے کلو عوام خریدن اتے مجبور نیں ،ساڈے دے دور وچ 142 روپے فروخت ہون والا کھان دا تیل اج 290 روپے عوام خریدن اتے مجبور نیں،ساڈے دور وچ 84 روپے درجن فروخت ہون والے انڈے اج 170 روپے عوام خریدن اتے مجبور نیںساڈے دوروچ 1036 ارب روپے گردشی قرض سی، اج 2700 ارب ہوچکیا اے۔ ساڈے دور وچ غیر ملکی قرض 70ارب ڈالر سی اج 83ارب ڈالر اے۔

اپنا تبصرہ گھلو