چین توں خریدی گئی کورونا ویکسین دی اک ہور کھیپ پاکستان اپڑ گئی
اسلام آباد( پنجابی میڈیا گروپ)چین توں خریدی گئی کورونا ویکسین دی ہور کھیپ پاکستان اپڑ گئی۔ حکام وزارت نیشنل ہیلتھ سروسز دے مطابق چین توں خریدی گئی کورونا ویکسین دی اک اور کھیپ پاکستان اپڑ گئی اے۔ ہن تک چین توں کورونا ویکسین دی مجموعی طور تے 25لکھ 60ڈوز پاکستان اپڑ چکیاں نیں۔ 15لکھ کورونا ویکسین سائینو فارم چین ولوں امداد وچ دتی گئیاں نیں۔ وزارت نیشنل ہیلتھ سروسز نے دسیا پاکستان اپڑن والی سائینو فارم ویکسین دی ڈوزز دی تعداد 5لکھ اے، جد کہ پاکستان ولوں خریدی گئی کین سینو بائیو دی 60ہزار ڈوز وی اپڑ چکیاں نیں۔ حکام وزارت نیشنل ہیلتھ سروسز نے دسیا کہ چین توں کورونا ویکسین دی ہور 40لکھ ڈوزز اپریل وچ پاکستان اپڑن گیاں۔
Load/Hide Comments





















