بلاول بھٹو دی پیشکش تے ایم کیو ایم غور کر سکدی اے: میئر کراچی وسیم اختر
کراچی: بلاول بھٹو دی ایم کیو ایم نوں سندھ حکومت وچ شمولیت دی پیشکش دے جواب وچ میئر کراچی وسیم اختر آکھیا اے عوام دے مفاد وچ کسے دے نال وی جا سکنے آں۔
میئر کراچی وسیم اختر نے اپنے اہم بیان وچ آکھیا چیئرمین پیپلزپارٹی بلاول بھٹو زرداری دی آفر نوں قبول کرنا صرف میرے اختیار وچ نہیں، ساڈی پارٹی ایہدے تے غور کر سکدی اے۔
وسیم اختر نے ایہ وی آکھیا ماضی وچ حکمران جماعتاں نے کراچی دے مسئلے حل نہیں کیتے۔ موجودہ وفاقی حکومت وی اجہیا ای کر رہی اے۔ ساڈی جماعت ایہناں دی آفر تے غور کر سکدی اے۔ اوہناں دا کہنا سی بنیادی مسئلیاں دے حل لئی پہلاں وی پیپلزپارٹی دا ساتھ دتا سی۔
