ہور دو ہفتے شدید سردی پوے گی، محکمہ موسمیات نے پیشگوئی کردتی

لہور: محکمہ موسمیات نے لہور سنے وکھو وکھ علاقیاں وچ دو ہفتے ہور کڑاکے دی سردی پین دی پیشگوئی کر دتی اے۔ محکمہ موسمیات آکھیا جنوری دے پہلے ہفتے وچ بارش دی پیش گوئی اے پر بارش دے بعد دھند دی شدت وچ وی وادھا ہووے گا تے سردی وی برقرار رہوے گی۔ اودھر اعداد و شمار دے مطابق لہور دی سردی نے پچھلے ورھے دے ریکارڈ توڑ دتے نیں۔ 2019وچ دسمبر دے مہینے دا درجہ حرارت اتار چڑھاؤ نال منفرد ریکارڈ بنا چکیا اے۔ایس توں پہلاں پچھلی صدری 1910ء وچ درجہ حرارت منفی دو ریکارڈ کیتا گیا سی۔ ایہدے بعد 2002ء تے 2019ء وچ درجہ حرارت 2تک ریکارڈ کیتا گیا۔ اگلے ورھے جنوری وچ درجہ حرارت ڈگن دے امکان نہیں ۔ ایس مہینے دھند دے تسلسل تے سورج نہ نکلن دی وجہ نال سردی دی شدت وچ وادھا ہوندا رہیا۔