پی ڈی ایم دی کسی وی گل اُتے کن نا دھرو: وزیراعظم دی حکومتی ترجماناں نوں ہدایت
اسلام آباد( پنجابی میڈیا گروپ) وزیراعظم عمران خان نے حکومتی ترجماناں نوں پی ڈی ایم اُتے گل بات کرن توںروک دتا۔تے ہدایت کیتی کہ اپوزیشن دے بیاناں اُتے جواباں دی بجائے حکومتی کارکردگی اُتے توجہ دین، شوگر مافیا دے خلاف پہلی وار جامع ایکشن ہو رہیا اے، سٹے بازاں دے خلاف سخت ایکشن لیتا جارہیا اے، رمضان وچ عوام نوں چینی سستی ملے گی۔
وزیراعظم عمران خان نے سٹے بازاں دے خلاف ون ونڈو آپریشن دا قنون لیان دی منظوری دے دتی تے میڈیا باریامور اُتے خصوصی کمیٹی وی قائم کردتی جس وچ فواد چوہدری، شبلی فراز، فیصل واوڈا، یوسف بیگ مرزا شامل نیں۔ کمیٹی حکومتی کارکردگی تے بیانیے بارے روزانہ دی بنیاد اُتے اجلاس کرے گی۔
Load/Hide Comments





















