اپوزیشن نوں نال لے کے چلاں گے: گیلانی
اسلام آباد( پنجابی میڈیا گروپ)سینیٹ وچ قائد حزب اختلاف یوسف رضا گیلانی نے آکھیا اے ساری اپوزیشن جماعتاں نال رل کے عوامی امنگاں دی ترجمانی کراں گے، سرکار نوں مشکل ہوئی تے اوہدی آواز وی بناں گے۔ پی ڈی ایم دے پلیٹ فارم توں جہڑا الیکشن لڑیا، اوہ مدر آف آل الیکشن سی۔ پیپلزپارٹی رہنما تے سینیٹ وچ قائد حزب اختلاف یوسف رضا گیلانی نے اظہار خیال کردیاں آکھیا پاکستان ساڈا دیس اے تے ایہدے مسئلیاں توں آگاہ اے، جے حکومت نوں کسے تھاں مشکل پیش آئی تے اوہدی آواز بناں گے، نویں سینیٹراں نوں پرانے سینیٹرز دے تجربات توں فائدہ چکنا چاہیدا اے۔ اختلاف رائے جمہوریت دا حسن اے، سبھ نوں رل کے عوامی خدمت کرنی اے۔ اوہناں آکھیا سینیٹ بہت اہم ایوان اے۔ سینیٹر بننا ایناں آسان نہیں، ہن احساس ہویا ایہ انتہائی مشکل الیکشن نیں۔ سینیٹ الیکشن لڑن تے اوہدی اہمیت دا اندازہ ہویا، ایہ انتخاب مدر آف آل الیکشن سی۔





















