تماشہ

پروفیسر محمد عبداللہ بھٹی

اوہ زندگی دے سارے شوخ دلکش زندگی نال بھرپور رنگاں نال رنگیا ہویا اک بھرپور تیز طرار چالاک لفظاں دا مداری امیر زادہ سی جیہڑا اپنی دولت دماغی چالاکی خوبصورت طاقت ور جسم تے الفاظ دی جادو گری دے فن دی وجہ نال اپنی من مانی دا ہوشیار چالاک جادو گر نما انسان سی اپنی دولت حسن جوانی لچھے دار گل بات دی وجہ نال محفلاں دی جان عورتاں دا ہر دل عزیز سی ایس نے جو چاہیا ایہنوں حاصل کر کے دم لیا اوہ 24 گھنٹے مہنگی خوشبوواں وچ بسیا رہندا جسم اُتے مہنگے ترین ملبوسات پیراں وچ مہنگی جوتیاں ہتھاں وچ سونے دی مہنگی انگوٹھیاں تے مختلف مہنگے برانڈاں دی گھڑیاں پان زندگی دے رنگاں نال خوب لطف چکنا جاننا سی اپنی دولت چالاکی تے خوبصورت دی وجہ نال ایس نے جو چاہیا ایس نوں حاصل کر کے دم لیا والدین دی بوہت زیادہ زرعی زمیناں تے شہر وچ کجھ پلازیاں دا مالک ہون دی وجہ نال دولت دی دیوی ایس اُتے بھرپور مہربان سی گل کرن دے آرٹ نال بخوبی واقف سی کپڑیاں دا ذوق جاننا سیتیز دماغ چالاکی دی وجہ نال گل بات دے جال وچ مد مقابل نوں آسانی نال پھنسا لیندا سی ایس دی اکھاں وچ بھیڑے دی چمک تے چہرے اُتے دولت دا خمار تے جوانی دا سرخ رنگ ٹھاٹھاں ماردا سی لوک ایس نوں ہیرا کہندے سن اوہ اپنے ایس لقب توں بوہت خوش ہوندا سی کہ میں ہیرا چوہدری جس اُتے خدا نے صرف مہربانی کیتی سی جیہڑا دنیا وچ عیاشی تے اپنی مرضی کرن لئی آیا سی جیہڑا لہور توں ستر کلو میٹر دور ہون دے باوجود اپنی ساری شاپنگ لہور توں کردا سی کپڑے تیکر لہور دی لانڈری توں کرواندا سی بالاں دی کٹنگ لئی لہور آندا سی زندگی دے شوخ رنگ ایس دے انگ انگ توں چھلکدے سن پر اج میرے ساہمنے چوہدری ہیرا دی بجائے ایس دا بھوت بیٹھا سی پرانے سلوٹاں والے کپڑے داڑھی دے بال ودھے ہوئے پرانی جُتی والاں دا رنگ خراب بلکہ سفید وال نظر آ رہے سن اوہ اک ہاریا ہویا بندا زندہ لاش وانگوں میرے ساہمنے بے بسی دی تصویر بنیا بیٹھا سی ایس دی اکھاں دی چمک چہرے دی سرخی کپڑیاں دی کڑک ہوا وچ تحلیل ہو چکی سی الفاظ جیہڑے فر فر ایس دے ہونٹاں توں نکلدے سن اج کئی وار بولن دی کوشش کیتی پر الفاظ تے زبان ایس دا ساتھ نہیں دے رہی سی اوہ ایس بندے دی ماند سی جیہڑا جوئے وچ اپنی ساری کمائی ہار کے آیا ہویا ایس دی ساری چالاکیاں پھرتیاں تیزیاں ایس توں روٹھ چکیاں سن جدوں اوہ میرے ساہمنے آیا تے مینوں ایہنوں پہچانن وچ مشکل آئی کیوں جے ایس دے چہرے اُتے قبرستاناں دا سناٹا تے اکھاں وچ مرض الموت دے مریض دی بے بسی نظر آ رہی سی اوہ کسے وڈے حادثے غم توں لنگھ رہیا سی ایس دی ایہہ حالت زار ویکھ کے مینوں پندرہ سال پہلے دا چوہدری ہیرا یاد آ گیا جیہڑا میرے کسے دوست دے حوالے نال مینوں ملن آیا تے زندگی توں بھرپور لباس گھڑی انگوٹھیاں تے ریشمی طلائی کھسے دے نال آیا سی آندے ای کامیاب شکاری وانگوںبوہت سا رے پھل تے مٹھائیاں اتار کے بولیا جناب تہانوں سلام کرن حاضر ہویا سی نال ای میرے دوست دا حوالہ وی دتا جیہڑا مینوں فون کر کے ایس دا دس چکیا سی میں پچھیا تے ایس نے دسیا جناب سدھی جہی گل اے میں جھوٹ نہیں بولاں گا کسے کُڑی نوں پسند کرنا واں بڑی کوشش کیتی پر اوہ قابو نہیں آ رہی جدوں وی انج دے پیار دے کبوتر میرے کول آندے نیں تے پہلے تے بوہت غصہ آندا اے پر فیر انسان دوستی دے تحت ایہناں دی گلاں سننا واں عشق مجاز دے ایہہ سارے کبوتر بوہت چالاکی نال باباں درویشاں دے کول جاندے نیں انکار سنن دے موڈ وچ بلکل وی نہیں ہوندے۔ دولت دے ڈھیر تہاڈے قدماں وچ لا دیاں گے کہ ہر صورت وچ محبوب چاہیدا اے۔
بوہت سارے پھل تے مٹھائیاں اتار کے بولیا جناب تہانوں سلام کرن حاضر ہویا سی نال ای میرے دوست دا حوالہ وی دتا جیہڑا مینوں فون کر کے ایس دا دس چکیا سی میں پچھیا تے ایس نے دسیا جناب سدھی جہی گل اے میں جھوٹ نہیں بولاں گا کسے کُڑی نوں پسند کرنا واں وڈی کوشش کیتی پر اوہ قابو نہیں آ رہی جدوں وی انج دے پیار دے کبوتر میرے کول آندے نیں تے پہلے تے بوہت غصہ آندا اے پر فیر انسان دوستی دے تحت ایہناں دیاں گلاں سننا واں عشق مجاز دے ایہہ سارے کبوتر بوہت چالاکی نال بابیاں درویشاں دے کول جانے آں انکار سنن دے موڈ وچ بلکل وی نہیں ہوندے دولت دے ڈھیر تہاڈے پیراں وچ لیا دین گے کہ ہر صورت وچ محبوب چاہیدا اے تہانوں ایہناں نوں جنہا مرضی سمجھا لوئو ایہہ تہاڈی گل نہیں منن گے جے تسیں ایہناں نوں زیادہ منع کرن ایہناں دی گل نہ منن تے ایہہ کجھ دن تے ایہہ کجھ دن تے تہانوں مختلف بہانیاں نال منان تحفے دے کے خریدن دی کوشش کرن گے جدوں تسیں ایہناں دی گل نہ منن تے کسے دوجے بابے عامل یا بنگالی جادوگر دے کول چلے جان گے ایہہ محبوب نوں پان دی ضد وچ انھے ہوندے نیں ایہہ ون پوائنٹ مشن اُتے ہوندے نیں محبوب تے صرف محبوب۔کوئی ہور نصیحت گل مشورہ سنن دے موڈ وچ نہیں ہوندے بلکہ صرف تے صرف محبوب پیراں وچ۔ تاں میں ہن ایہناں دے نال زیادہ بحث مباحثہ نہیں کردا ایسے لئی میں ناگوار جہیا ہو کے ایس دے اگے بہہ گیا تے پچھیا جناب تسیں تے شادی شدہ لگدے نیں تے ایہہ بولیا جی جناب میری دو شادیاں کامیابی نال چل رہیاں نیں دو بیگماں دی موجودگی وچ اک ہور کُڑی پسند آ گئی اے ایس دے نال گپ شپ پیار محبت رکھنا چاہنا واں میں بوہت کوشش کر لئی اوہ نیک پیو دی نیک دھی اے ایس نوں اسلام دا دورہ پیا ہویا اوہ میری گل نہیں من رہی میری مدد کرو میں تہاڈی ہر ممکن مدد کراں گا تے میں کہیا جس طرح تسیں پہلے دو شادیاں کر رکھیاں نیں اک ہور کر لوئو تے اوہ بولیا نہیں شادی نہیں کرنی شادی کر کے بیگم عذاب بن جاندی اے ہن دو بیویاں ای ٹھیک نیں بچے وی نیں تیجی دی لوڑ نہیں میں بحث نہیں کیتی اللہ دے ناواں دی تسبیح دسی تے ٹال دتا پر ایہہ کجھ دن بعد فیر آ گیا ایس طرح ایہہ چھ مہینے لگاتار میرے کول آندا رہیا بوہت سارے تحفے لالچ وی پر جدوں ایس دا کم نہ ہویا تے ایہہ آنا بند ہو گیا فیر اک سال بعد میرے ایسے دوست دے کول ایہہ مینوں ملیا تے شاکی لہجے وچ بولیا پروفیسر صاحب تسیں میرا کم نہیں کیتا تے میں فیر ایس کُڑی نال شادی کیتی اوہ مذہبی سی میں داڑھی رکھی مذہب دا ڈرامہ کیتا فیر ایس نال شادی کیتی ایس نوں پان دے بعد ایس دی ضد توڑن توں بعد تن مہینے بعد ایس نوں طلاق دے دتی جناب میں جس نوں پسند کر لواں فیر ایس نوں حاصل کر کے چھڈنا واں ایس کُڑی نے بوہت تنگ کیتا تے ایس لئی مذہبی ہون دا ڈرامہ کرنا پیا ایسے دوران میرے دوست نے وی دسیا کہ ایہہ بوہت شاطر کھلاڑی اے اپنا ٹارگٹ حاصل کر کے دم لیندا اے تے میں چوہدری ہیرے نوں سمجھایا تسیں ایس نیک کُڑی نوں طلاق کیوں دتی تے اوہ بولیا شادی تے میرا آخری کارڈ ہوندا اے جدوں کوئی کُڑی اونج قابو نہ آئے تے دولت دی بارش کر کے کوشش کر دا ہوئے جے ناکامی ہوئے تے آخری چال شادی ہوندی اے ہن میں ساری عمر مصیبت نہیں پالدا حاصل کرن دے بعد چھڈ دینا واں تے میں کہیا ہن توبہ کر لوئو نہیں تے جس خدا دے مذہب نوں تسیں کارڈ دے طور اُتے استعمال کردے ہوئے اوہ تہاڈا تماشہ بنا دیوے گا میں بوہت سمجھایا پر ایہہ نہیں منیا تے میں ایہہ کہہ کے آ گیا کہ ڈرو ایس دن توں جدوں خدا دی لاٹھی حرکت وچ آئے گی تے تسیں تماشہ بن کے رہ جائو گے تے ۔اج تنے سالاں بعد اوہ ای چوہدری ہیرا زندہ لاش بنیا اجڑ کے میرے ساہمنے بیٹھا سی بڑی مشکل نال بولنا شروع ہویا پروفیسر صاحب میں خدا دے مذہب نوں تماشہ بنایا سی اج میں تماشہ بن کے رہ گیا واں میری بدمعاشیاں جاری سن تن ورہے پہلے شوگر تے جگر دی خرابی نال جسمانی کمزوری دی وجہ نال زنا کاری چھڈنا پئی جسم وچ جان وی نہیں رہی اک سال پہلے میری جوان دھی گھر توں نس گئی کہ گھر دے ماحول وچ دل نہیں لگدا بڑی مشکلاں نال ایس نوں واپس لیایا پر اوہ کجھ دن بعد فیر نس گئی ہن تیکر اوہ گھر توں ست وار مختلف منڈیاں دے نال نس چکی اے کوئی ایس نال شادی کرن نوںتیار نہیں ڈانس کلباں وچ نچدی اے مار مار کے تھک گیا واں پر ایہنوں جویں موقع ملدا اے کسے دے نال نس جاندی اے۔ آخری وار تے میرے مخالف دے پتر دے نال نس گئی میری زندگی تماشہ بن گئی اے خدا لئی مینوں خدا توں معافی لے دیو میں اجڑ گیا ویران ہو گیا تماشہ بن کے رہ گیا میری دھی دے ٹھیک ہون دی دعا کر دیو فیر اوہ پھوٹ پھوٹ کے رو رو کے خدا توں معافیاں منگدا رہیا فیر اٹھ کے چلا گیا۔ میں اک انج دے بندے نوں جاندا ویکھ رہیا سی جس نے مذہب نوں تماشہ بنایا تے خدا نے ایس دی عزت نوں تماشہ بنا کے رکھ دتا۔