کسے بندے نوں صرف مقدمے وچ نامزد ہون تے گرفتار نہیں کیتا جا سکدا: سپریم کورٹ
کراچی: سپریم کورٹ نے اپنے فیصلے وچ آکھیا اے کسے بندے نوں صرف مقدمے وچ نامزد ہون تے گرفتار نہیں کیتا جا سکدا۔ سپریم کورٹ نے شیخوپورہ وچ 3بندیاں دے قتل دے مقدمے دا فیصلہ جاری کیتا۔ 3بندیاں دے قتل دے الزام وچ نامزد ملزم نے ضمانت قبل از گرفتاری لئی سپریم کورٹ نال رجوع کیتا سی۔ سپریم کورٹ دے جسٹس منصور علی شاہ نے تفصیلی فیصلہ تحریر کردیاں قرار دتا کسے بندے نوں صرف مقدمے وچ نامزد ہون تے گرفتار نہیں کیتا جا سکدا بلکہ گرفتار توں پہلاں ٹھوس وجوہات ہونا ضروری نیں۔ فیصلے وچ آکھیا گیا پلس نوں قابل تعزیر جرم تے کسے بندے نوں گرفتار کرن دا اختیار حاصل اے۔ پلس نوں ہر بندے دی گرفتاری دا صوابدیدی اختیار حاصل نہیں بلکہ پلس کول کسے دی گرفتار تے معقول وضاحت ہونی چاہیدی اے۔ فیصلے وچ ہور آکھیا گیا پلس گرفتاری دا اختیار رکھن تے ہر نامزد ملزم نوں گرفتار نہیں کر سکدی، عدالتاں گرفتاری توں پہلاں ضمانت دی عرضی تے فیصلے لئی آزادی، تکریم اور شفاف ٹرائل نوں مدنظر رکھن، گرفتاری توں پہلاں ضمانت دا عدالتی اختیار پلس تے چیک دی حیثیت رکھدا اے، پلس سی بدنیتی تے بے قصور ہون تے نامزد شخص قبل از گرفتاری ضمانت دا حقدار اے۔





















