وزیراعظم اج لہور وچ 4ہزار فلیٹاں دی تعمیر دا سنگ بنیاد رکھن گے

لہور: وزیراعظم عمران خان اج ایل ڈی اے سٹی لہور وچ 4ہزار فلیٹاں دی تعمیر دا نیہہ پتھر رکھن گے، تن مرلے تے بنے اپارٹمنٹ دی قیمت 27لکھ روپے مقرر کیتی گئی اے۔ لہور رنگ روڈ تے بلوکی انٹرچینج دے قریب ایل ڈی اے سٹی وچ 35ہزار اپارٹمنٹس بنان دے حکومتی منصوبے تے وزیراعظم عمران خان جمعہ نوں پہلے مرحلے وچ تن مرلے دے 4ہزار اپارٹمنٹس دے منصوبے دا سنگ بنیاد رکھن گے۔ ناں نکلن تے 10فیصد جد کہ بقایا رقم اپارٹمنٹس ملن دے بعد ماہانہ اقساط وچ ادا کرنا ہووے گی۔ وائس چیئرمین لہور ڈویلپمنٹ اتھارٹی ایس ایم عمران دا کہنا اے وزیراعظم نواں پاکستان ہاؤسنگ منصوبے دے تحت 2ہزار اپارٹمنٹس درخواست دہندہ عام بندیاں نوں جد کہ باقی 2ہزار وفاقی و صوبائی ملازماں نوں قرعہ اندازی راہیں الاٹ ہون گے۔ ایس ایم عمران دا ہور کہنا اے وزیراعظم ولوں مستحق بندیاں لئی 50لکھ گھراں دے خواب دی تعبیر دا ویلا آ گیا اے، ہن ڈیڑھ ورھے بعد لوک اپنے نویں گھراں وچ منتقل ہونا شروع ہو جاون گے۔

اپنا تبصرہ گھلو