کورونا: ماسک تے دستانے لازمی قرار، پنجاب پلس لئی نویں پالیسی
لہور: کورونا وائرس دی تیسری لہر دے پیش نظر پنجاب پلس نے نویں پالیسی جاری کر دتی۔ پنجاب پلس دی نویں پالیسی دے مطابق پلس دفتراں وچ 50فیصد سٹاف کم کرے گا تے باقی 50فیصد سٹاف گھراں وچ رہ کے سرکاری امور انجام دیوے گا۔ پنجاب پلس لئی جاری نوٹیفکیشن وچ آکھیا گیا اے دفتراں وچ کم کرن والا عملہ کورونا ایس او پیز تے سختی نال عملدرآمد کرے گا، ماسک دا استعمال لازمی ہووے گا جد کہ دستانے پانا وی ضروری ہووے گا۔ نوٹیفکیشن دے مطابق کورونا ایس او پیز احکامات تے عملدرآمد دا نفاذ 12اپریل تک رہے گا۔
Load/Hide Comments





















