پاکستان نے بجلی 3.34روپے مہنگی کرن دی یقین دہانی کرائی اے: آئی ایم ایف

اسلام آباد: عالمی مالیاتی ادارے (آئی ایم ایف) نے پاکستان لئی پنجویں جائزہ رپورٹ جاری کر دتی اے۔ جائزہ رپورٹ آئی ایم ایف دے ایگزیکٹو بورڈ اجلاس دے بعد جاری کیتی گئی۔ رپورٹ وچ پاکستان دی معاشی کارکردگی تے مستقبل دے حوالے نال جائزہ پیش کیتا گیا جدکہ رپورٹ وچ دسیا گیا پاکستان حکومت نے بجلی 3روپے 34پیسے مہنگی کرن دی یقین دہانی کرائی اے۔ رپورٹ دے مطابق پہلے مرحلے وچ اک روپیہ 95پیسے بجلی مہنگی کرن دا نوٹیفکیشن جاری کیتا گیا۔ دوسرے مرحلے وچ بجلی ہور اک روپیہ پیسے مہنگی ہووے گی، سال 2021وچ معاشی ترقی دی شرح صرف 1.5فیصد رہے گی، اگلے ورھے پاکستان دی معاشی شرح نمو 4فیصد ہو سکدی اے۔ آئی ایم ایف دے مطابق سال 2024وچ معاشی شرح نمو 5فیصد ہو سکدی اے، ایس ورھے مہنگائی دے ودھن دی شرح 8.7فیصد ہووے گی، 2022وچ مہنگائی دے ودھن دی شرح 8فیصد ہو سکدی اے۔ 2020وچ محصولات دی شرح معیشت وچ 0.5فیصد ودھی۔

اپنا تبصرہ گھلو