ایف آئی اے نے خسرو بختیار دے بھرا دی شوگر مل نوں نوٹس جاری کر دتا

اسلام آباد: وفاقی تحقیقاتی ایجنسی (ایف آئی اے) نے وفاقی وزیر خسرو بختیار دے بھرا مخدوم شہریار دی شوگر مل نوں نوٹس جاری کر دتا۔ شوگر مل انتظامیہ نوں جاری نوٹس وچ 15اپریل نوں اعلیٰ عہدیداران نوں ایف آئی اے لہور طلب کیتا گیا اے۔ نوٹس وچ مخدوم شہریار نوں سٹے راہیں ویچی گئی چینی دی دستاویزات نال لیان دا حکم وی دتا گیا اے تے سٹے دے ذریعے فروخت تے بک کیتی گئی چینی دا ریکارڈ رکھن دا طریقہ کار وی طلب کیتا گیا اے۔ نوٹس وچ آکھیا گیا اے ٹو سٹار شوگر مل انتظامیہ تے شیئر ہولڈرز چینی سٹہ بازاں نال ملے ہوے نیں، سٹی باز مل مالکان راہیں غیر قنونی پیسہ بنا رہے نیں۔ دوجے پاسے خسرو بختیار دا کہنا اے مل وچ اوہناں دے پہلے شیئرز سن پر ہن نہیں۔

اپنا تبصرہ گھلو