پنجاب: کورونا مریضاں دے بیڈز دی دستیابی بارے معلومات لئی ہیلپ لائن قائم
لہور: پنجاب ہیلتھ کیئر کمیشن نے نجی ہسپتالاں وچ کورونا مریضاں لئی بیڈز دی دستیابی بارے معلومات دے حصول لئی ہیلپ لائن قائم کر دتی۔ ترجمان پنجاب ہیلتھ کیئر کمیشن دے مطابق نجی ہسپتالاں بارے معلومات ہیلپ لائن 007420800توں حاصل کیتی جا سکدیاں نیں۔ ترجمان دا کہنا سی پنجاب دے 12شہراں دے 81نجی ہسپتالاں وچ کورونا مریضاں دا علاج جاری اے، ایہناں ہسپتالاں وچ اک ہزار394بیڈز کورونا دے مریضاں لئی مختص نیں جد کہ 270وینٹی لیٹرز دی سہولت وی دستیاب اے۔ ترجمان دے مطابق آئیسولیشن وارڈز، ہائی ڈیپینڈینسی یونٹس تے انتہائی نگہداشت وارڈ وی فعال نیں جد کہ لہور وچ کورونا دے مریضاں دا 34ہسپتالاں وچ علاج جاری اے، جتھے 436بیڈز تے 167وینٹی لیٹرز وی دستیاب نیں۔
Load/Hide Comments





















