میرا نوں امریکا وچ مینٹل ہسپتال وچ داخل کرا دتا گیا، اداکارہ دی ماں دا دعویٰ

اداکارہ میرا دی ماں دا کہنا اے اوہناں دی دھی نوں کسے نے امریکا دے مینٹل ہسپتال وچ داخل کرا دتا اے۔ سوشل میڈیا تے اداکارہ میرا دی ماں دی اک ویڈیو وائرل ہو رہی اے جہدے وچ اوہناں آکھیا اوہناں دی آخری واری میرا نال گل5اپریل نوں ہوئی سی۔ میرا دی ماں دا کہنا سی 5اپریل نوں میری میرا نال گل ہوئی، اوہنے دسیا کہ امی جان مینوں کسے نے مینٹل ہسپتال وچ داخل کرا دتا اے۔ میرا دی ماں دے مطابق میرا نے اوہناں نوں دسیا کہ اوہناں نے مینٹل ہسپتال وچ بہت رولا پایا اوہ پاگل نہیں پر ڈاکٹراں نے آکھیا تہاڈے کجھ ٹیسٹ لواں گے۔ میرا دی ماں نے ہور دسیا میں میرا نال رابطہ کیتا تے میرا رابطہ نہیں ہو رہیا اوہدے سارے ذاتی نمبر بند جا رہے نیں۔ میرا دی ماں نے اپنے ویڈیو پیغام وچ وزیراعظم عمران خان توں مدد دی اپیل کیتی تے آکھیا میری دھی نوں بازیاب کروا کے پاکستان واپس بلاؤ۔

اپنا تبصرہ گھلو