نادرا نے 74افغانیاں نوں پاکستانی شہری بنا دتا

میرپور خاص( پنجابی میڈیا گروپ) نیشنل ڈیٹا بیس اینڈ رجسٹریشن اتھارٹی (نادرا) دے عملے نے شناختی کارڈ فروخت کرکے 74افغاناں نوں پاکستانی شہریت دے دتی اے۔ ذرائع دے مطابق حکام نے ایس مکروہ دھندے وچ ملوث نادرا ریجنل آفس میرپور خاص دے 7افسراں دے خلاف مقدمہ درج کر لیا اے۔ ایف آئی اے دے مطاق جعلی شناختی کارڈ دی کاروائی نادرا موبائل راہیں کیتی جاندی سی۔ عملے نے جعلی ڈومیسائل، جعلی نکاح نامے سمیت دوجے جعلی کاغذات دی تصدیق کیتی۔ عملنے جعلی دستاویز دی بنیاد تے ڈومیساٗل سرٹیفکیٹس تے دوجی دستاویز وی بنائیاں۔ حکام دے مطابق ملزماں دے خلاف درج مقدمے وچ نادرا دے سابق اسسٹنٹ ڈائریکٹر نادر خان، بدر رضا، اسد سعید شفیق، انیس احمد، جلال عبدالکریم تے دوجیاں نوں نامزد کیتا گیا اے۔

اپنا تبصرہ گھلو