غزل

منور شکیل

کندھاں نوں وی کن ہوندے نیں تاں میں کوئی گل نہیں کردا
مسئلا تے حل کر سکنا واں آپ ای مسئلا حل نہیں کردا
اس نوں زخم وکھاونے کیہ دسو درد سنائونے کیہ
جہڑا آ نہیں ملھماں لاوندا جہڑا پیڑاں ول نہیں کردا
دل دھرتی نوں عشق دے اندر بنجر کرنا پوندا اے
اوہنوں یار کدی نہیں دسدا جہڑا سوچاں تھل نہیں کردا
دھرتی دے میں سینے اندر کنے راز چھپائے نیں
تیرے راز وی سانبھ لے بیبا کسے کول وی چل نہیں کردا
میں شکیل نوں لوکیں بھاویں کملا جھلا آہندے نیں
تیرا کوئی وی عیب نہیں سُنداتیرے بارے گل نہیں کردا