میشا شفیع تے علی ظفر کیس: ایف آئی اے دے تفتیشی افسر رپورٹ سنے ہائیکورٹ نے سدھ لئے

لہور( پنجابی میڈیا گروپ)گلوکارہ میشا شفیع تے گلوکار علی ظفر دے کیس بارے لہور ہائیکورٹ نے وفاقی تحقیقاتی ادارے(ایف آئی اے)دے تفتیشی افسر اںنوںرپورٹ سنے سدھ لیا
تفصیل دے مطابق لہور ہائیکورٹ وچ گلوکارہ میشا شفیع دی وفاقی تحقیقاتی ادارے(ایف آئی اے) سائبر کرائم دا مقدمہ خارج کران دی درخواست اُتے سماعت ہوئی۔ جسٹس طارق سلیم شیخ نے میشا شفیع سنے ہوراں دی درخواستاں اُتے سماعت کیتی۔درخواست گزار میشا شفیع ولوں موقف اختیار کیتا گیا کہ گلوکار علی ظفر نے میرے سنے ہوراں ساتھیاں دے خلاف جھوٹا مقدمہ درج کروایا، ایس الزام اُتے علی ظفر نے ہتک عزت دا دعوی وی دائر کر رکھیا اے۔درخواست گزار ولوں موقف اپنایا گیا کہ ہتک عزت دا دعوی تے سائبر کرائم دے مقدمے وچ سانجھا ٹرائل نہیں چل سکدا، قنون دے مطابق سول تے فوجداری مقدمے سانجھے نہیں چلائے جا سکدے۔

اپنا تبصرہ گھلو