جاپانی سفیر نے پاکستان نوں سفر لئی محفوظ دیس قرار دے دتا
اسلام آباد( پنجابی میڈیا گروپ)جاپان نے پاکستان نوں سفر لئی محفوظ دیس قرار دے دتا۔ جاپانی سفیر متصودا کونیری نے اسلام آباد دے قدیم علاقے شاہ اللہ دتہ وچ تاریخی مقامات دا دورہ کیتا۔ ایس موقع تے اوہناں نے اہم اعلان کیتا تے پاکستان نوں دنیا لئی محفوظ دیس قرار دے دتا۔ میڈیا نال گل کردیاں متصودا کونیری نے آکھیا جاپان نے پاکستان تے سفری پابندیاں نرم کر دتیاں، پابندیاں دی فہرست وچ پاکستان دی اک درجہ تنزلی ہوئی اے، جاپانی سیاحواں خصوصاً مذہبی سیاحواں نوں پاکستان آن دتا جائے گا۔ متصودا کونیری نے ہور آکھیا جاپانی تاجراں تے سرمایہ کاراں نوں پاکستان وچ سرمایہ کاری لئی راغب کیتا جائے گا۔ اوہناں آکھیا پاکستان وچ سکیورٹی دی صورتحال بہت اطمینان بخش ہو گئی اے۔
Load/Hide Comments





















