مقبوضہ کشمیر: مسجد تے بمباری مذہبی آزادی دا قتل اے: چودھری سرور
لہور( پنجابی میڈیا گروپ)گورنر پنجاب چودھری سرور نے آکھیا اے مقبوضہ کشمیر وچ مسجد تے بمباری مذہبی آزادی دا قتل اے۔ بھارت دی مسلم دشمنی خطے وچ انارکی نوں ہوا دے رہی اے۔ گورنر پنجاب چودھری سرور نے سماجی رابطے دی ویب سائٹ تے ٹویٹ کردیاں آکھیا نریندر مودی سبھ توں وڈا ات گرد تے امن دشمن اے، امت مسلمہ نوں خاموشی ختم کرکے بھارتی ات گردی دے خلاف کھڑا ہونا ہووے گا، کہڑا مذہب مذہبی مقامات دی بے حرمتی دی اجازت دیندا اے؟ بدقسمتی نال یو این او دا مردہ ضمیر بلکدے کشمیریاںدی آواز سنن توں قاصر اے ۔ چودھری سرور نے کشمیر وچ مسجد تے بھارتی افواج دی بمباری دی ویڈیو وی شیئر کیتی۔ اوہناں دا کہنا سی جدوں تک مسئلہ کشمیر حل نہیں ہوندا خطے وچ امن قائم نہیں ہو سکدا۔ بھارت سن لوے اوہ کشمیریاں دی تحریک آزادی دی آواز دبا نہیں سکدا۔
Load/Hide Comments





















