امریکی صدرولوں مسلماناں نوں ماہ رمضان دی مبارکباد
واشنگٹن( پنجابی میڈیا گروپ) امریکی صدر جو بائیڈن تے اوہناں دی گھر والی نے مسلماناں نوں ماہ رمضان دی آمد اُتے مبارکباد دتی اے۔
امریکی صدر جوبائیڈن تے اوہناں دی گھر والی جل بائیڈن نے مسلماناں نوں ماہ رمضان دی آمد اُتے مبارکباد دیندیاں ہوئیاں آکھیا کہ میں تے میری گھر والی امریکا وچ رہن والی مسلمان برادری تے پوری دنیا وچ رہن والے مسلماناں نوں رمضان کریم دی آمد اُتے دل دی گہرائی نال مبارکباد پیش کردے آں۔
امریکی صدر داکہنا سی کہ امریکا وچ رہن والے مسلمان اپنا پہلا روزہ اج توں افطار کرن گے لیکن ساہنوں ایسگل نوں ضرور یاد رکھنا چاہیدا اے کہ ایہ سال کس قدر مشکل رہیا اے، بیماری دے باعث اسیں اپنے دوستاں تے پیاریاں دے نال اک نال کوئی خوشی یا عبادت نہیں مناسکدے جد کہ بہت سارے خاندان اپنے پیاریاں دے بغیر ایس سال روزہ افطار کرن گے لیکن اوہناں سب دیباوجود مسلمان برادری ایس ماہ مقدس نوں نویاں اُمیداں دے نال شروع کرے گی۔





















