پی ٹی آئی پارلیمانی پارٹی اجلاس، آرمی چیف دی تقرری وزیراعظم دا صوابدیدی اختیار قرار
اسلام آباد: وزیراعظم دی زیر صدارت تحریک انصاف دی پارلیمانی پارٹی دے اجلاس وچ آرمی چیف دی تقرری نوں وزیراعظم دا صوابدیدی اختیار قرار دے دتا۔ پارلیمانی پارٹی نے پیپلزپارٹی ولوں وزیراعظم دا اختیار پارلیمنٹ نال مشروط کرن دی صلاح رد کر دتی۔ وزیر قنون فروغ نسیم نے اجلاس وچ آکھیا وزیراعظم دے اختیار نوں پارلیمنٹ نال مشروط کرنا مناسب نہیں، آرمی چیف دی تقرری وزیراعظم دا صوابدیدی اختیار ہونا چاہیدا اے، مسلح افواج بارے ترمیمی بل تے اپوزیشن نوں بھرپور موقع دتا گیا۔
وسیلیاں دے مطابق اجلاس ارکان ولو ں اک واری فیر ترقیاتی فنڈز دا وی مطالبہ کیتا گیا جد کہ وفاقی وزیر فواد چودھری ولوں ایم این ایز نوں ترقیاتی فنڈز دین دی مخالفت کیتی گئی۔ فواد چودھری دی مخالفت تے سارے ارکان پھٹ پئے تے آکھیا فواد چودھری صاحب تسیں آپ تے منظور کروا لئے نیں، اسیں ووٹراں نوں کیہ منہ وکھواں گے۔وزیراعظم آکھیا احساس پروگرام نوں وی ترقیاتی فنڈ ای سمجھن، پروگرام دے تحت عوام دی کدمت کرو، دعاواں تے ووٹ دوواں ملن گے، احساس پروگرام تے صحت کارڈ توں تہاڈے لوکاں دے تحفظات دور ہو جان گے۔ اجلاس وچ متفقہ طور تے مسلح افواج بارے ترمیمی بل دی منظوری دتی گئی۔
