پنجاب: مسجداں وچ بغیر ماسک آن اُتے پابندی عائد

لہور( پنجابی میڈیا گروپ) پنجاب حکومت نے رمضان وچ کورونا توں بچن لئی ایس او پیز جاری کردتے۔
محکمہ صحت ولوںجاری نوٹیفکیشن دے مطابق مسجداں، بازارتے مزاراں وچ سینیٹائزر تے ماسک ملے گا جد کہ ماسک دے بغیر مسجداں وچ آن دی اجازت نہیں ہوئے گی۔نوٹیفکیشن وچ آکھیا گیا اے کہ کھانسی تے بخاردے شکار افرادگھراُتے عبادت کرن، مسجداں وچ سحری تے افطاری دا انتظام کرن دی اجازت نہیں ہوئے گی جد کہ60سال دے افراد ایس او پیز دے نال مسجد وچ نماز ادا کرسکن گے۔نوٹیفکیشن دے مطابق کورونا توں بچن لئی بازاراں، مسجداں وچ آن جان لئی وکھڑے وکھڑے رستے بنائے جان، مسجداں،ا مام بارگاہواں وچ صحن یاکھلی جگہ اتے عبادت دااہتمام کیتاجائے جد کہ مساجداں وچ3فٹ دے فاصلے اُتے نشان لا کے نمازیاں لئی جگہ بنائی جائے

اپنا تبصرہ گھلو