رمضان وچ بازار سحری توںشام6وجے تک کھلے رہن گے
اسلام آباد( پنجابی میڈیا گروپ)رمضان المبارک وچ بازار سحری توں شام6وجے تک کھلے رہن گے، افطاری توں رات بارہ بجے تک باہر کھان دی اجازت مل گئی، رش توں بچن لئی ٹرینیاں چلائیاں جان گیاں۔ این سی او سی نے رمضان وچ کورونا ایس او پیز جاری کر دتے۔ تقریبات اُتے ان ڈور تے آٹ ڈور ہر طرح دی پابندی برقرار رکھی گئی، سماجی، سیاسی، کھیڈاں سنے ہر قسم دی تقریبات اُتے پابندی رہے گی۔این سی اوسی دے اعلامیے دے مطابق لاک ڈان دے دوران ایمرجنسی دے علاوہ غیر ضروری نقل و حرکت اُتے پابندی ہوئے گی۔ رمضان وچ رش توں بچن لئیٹرینان چلائیاں جان گیاں۔ ریلوے نوں70فیصد مسافراں دے نالچلایا جائے گا۔ بین الصوبائی ٹرانسپورٹ ہفتے وچ2 دن بند رکھن دا فیصلہ برقرار رکھیا گیا۔ اندرون شہر ٹرانسپورٹ50 فیصد مسافراں دے نال چلے گی۔ ہور اقدامات لئی اجلاس20اپریل نوں ہوئے گا۔
Load/Hide Comments





















