کورونا:پابندیاں ہورسخت کرن دا فیصلہ

اسلام آباد(پنجابی میڈیا گروپ ) نیشنل کمانڈ اینڈ آپریشن سنٹر ( این سی او سی) نے ملک وچ کرونا دی شدت وچ تیزی دے نال اضافے دے باعث سخت ایس او پیز دے نال وسیع لاک ڈائون لگان دا فیصلہ کرلیااے۔ لاک ڈائون دے دوران ایمرجنسی دے علاوہ غیر ضروری نقل وحرکت اتے پابندی ہووے گی ، فیصلیاں دا اطلاق فوری طور تے ہووے گا۔ نیشنل کمانڈ اینڈ آپریشن سینٹر ولوں جاری اعلامیے دے مطابق وفاقی وزیر اسد عمر دی سربراہی وچ این سی او سی دا ہنگامی اجلاس ہویاجہدے وچ کرونا دے ودھدے کیسزتے رمضان المبارک وچ مذہبی وثقافتی سرگرمیاں دے حوالے دے نال اہم فیصلے کیتے گئے۔ فیصلیاں دا اطلاق فوری طور تے ہووے گا۔ اجلاس وچ فیصلہ کیتا گیا کہ سخت ایس او پیز دے نال وسیع لاک ڈائون لگایا جاوے۔ لاک ڈائون دے دوران ایمرجنسی دے علاوہ غیر ضروری نقل وحرکت اتے پابندی ہووے گی۔ وفاق دی اکائیاں اضلاع تے شہراں وچ بیماری دا پھیلاؤ ویکھ کے اقدامات لے سکدیاں نیں۔ ایس او پیز دے حوالے دے نال مزید سخت اقدامات وی کرسکدیاں نیں۔

اپنا تبصرہ گھلو