پیٹرول بارے چنگی خبر آ گئی
اسلام آباد( پنجابی میڈیا گروپ)حکومت ولوں پیٹرول دی قیمت گھٹ کر کے مہنگائی دے مارے عوام لئی چنگی خبر سنائے جان دا امکان اے۔
پیٹرولیم ڈویژن حکام دے مطابق آئل اینڈ گیس ریگولیٹری اتھارٹی(اوگرا)ولوں آئندہ15دناں لئی پیٹرولیم مصنوعات دیاں قیمتاں وچ رد و بدل دی سمری موصول ہوئی اے۔ جس دی منظوری نال پٹرولیم مصنوعات2روپے فی لیٹر تک سستیاں ہون دا امکان اے۔
اوگرا نے اپنی سمری وچ عالمی مارکیٹ وچ خام تیل دیاں قیمتاں نوں مدنظر رکھدیاں ہوئیاں پٹرولیم لیوی وچ اضافہ نہ کرن دی تجویز دتی اے۔ سمری وچ پیٹرول تے ڈیزل دیاں قیمتاں وچ2روپے فی لیٹر گھٹ کرن دی سفارش کیتی گئی اے۔ وزیر اعظم دی منظوری توںبعد نویاں قیمتاں دا اعلان اج شام نوں ہوئے گا۔واضح رہے کہ31مارچ نوں وی حکومت نے پیٹرول تے ڈیزل دی قیمت گھٹ کیتی سی۔
Load/Hide Comments





















