وزیراعلی عثمان بزدار نے لہور وچ سڑکاں دے6منصوبیاں دی منظوری دیدی

لہور( پنجابی میڈیا گروپ)وزیراعلی عثمان بزدار نے لہور وچ پکیاں سڑکاں دے6منصوبیا ں تے4ماڈل قبرستاناں دی منظوری دے دتی۔وزیراعلی پنجاب دی زیر صدارت اجلاس ہوئیا، جس وچ کئی منصوبیاں دی منظوری دتی گئی۔ لہور وچ پختہ سڑکاں دے6منصوبے19کروڑ روپے دی لاگت نال مکمل ہون گے، شہر خموشاں اتھارٹی دے تحت لہور وچ4ماڈل قبرستان بنان دی اصولی منظوری دے دتی گئی۔ساہیوال دے علاقے ہڑپہ تے چیچہ وطنی وچ واٹر سپلائی سکیماں دی وی اجازت دے دتی گئی۔ وزیراعلی پنجاب نے دورہ ساہیوال دے دوران دوناں منصوبیاں دا اعلان کیتا سی۔ میانوالی وچ نوا سٹیٹ آف دی آٹ لاری اڈہ بنایا جائے گا۔ لاری اڈہ میانوالی وچ سیوریج تے ڈرینج دا منصوبہ13کروڑ روپے دی لاگت نال مکمل ہوئے گا۔میانوالی وچ سیوریج، ٹف ٹائل تے پختہ سڑکاں سنے کئی منصوبیاں دی منظوری دتی گئی۔ ضلع میانوالی وچ سڑکاں دی تعمیر و مرمت دے5منصوبے تے میانوالی شہر لئی4ترقیاتی منصوبے دی منظوری وی دے دتی گئی۔

اپنا تبصرہ گھلو