شہباز شریف دی رہائی دا عمل رک گیا، ضمانت منظوری دے فیصلے اُتے ججاں دا اختلاف
لہور( پنجا بی میڈیا گروپ)اپوزیشن لیڈر شہباز شریف دی رہائی دا عمل رک گیا۔ منی لانڈرنگ کیس دی ضمانت منظوری دے فیصلے اُتے ججاں دا اختلاف ہوگیا۔
تفصیلات دے مطابق لہور ہائیکورٹ دے جسٹس سرفراز ڈوگر تے جسٹس اسجد جاوید گھرال اُتے مشتمل بینچ نے شہباز شریف دے خلاف منی لانڈرنگ کیس وچ درخواست ضمانت اُتے طویل سماعت کیتی۔13 اپریل نوں شہباز شریف دے وکیل تے اگلے دن نیب پراسیکیوٹر نے اپنے دلائل مکمل کیتے
دوناں پاسیوں دلائل مکمل ہون توں بعد عدالت نے فیصلہ محفوظ کرلیا سی تقریبا20منٹ دے بعد کورٹ ایسوسی ایٹ کمرہ عدالت وچ آئے تے اوہناں نے اُچی آواز وچ آکھیا کہ شہباز شریف دی ضمانت بارے درخواست منظور کرلی گئی۔50،50لکھ روپے دے ضمانتی مچلکے جمع کروائے جان۔ ایہ سندیاں ہی کمرہ عدالت وچ موجود لیگی رہنما رانا ثنا اللہ، مریم اورنگزیب تے ہور اک دُوجیاں نوںمبارکباد دین لگے تے میڈیا نال گل بات کر دیاں خوشی دا اظہار وی کیتا۔





















