صدر مملکت نے اسلامی نظریاتی کونسل وچ تقرریاں دی منظوری دے دتی
اسلام آباد( پنجابی میڈیا گروپ)صدر مملکت ڈاکٹر عارف علوی نے اسلامی نظریاتی کونسل وچ تقرریاں دی منظوری دے دتی۔ صدر مملکت نے آئین دے آرٹیکل 228دے تحت تقرریاں کیتیاں۔ جمعہ نوں ایوان صدر دے پریس ونگ توں جاری بیان دے مطابق صدر مملکت نے کونسل دی 12خالی نشستاں تے تقرری دی منظوری دتی۔ ڈاکٹر قبلہ ایاز نوں چیئرمین اسلامی نظریاتی کونسل تعینات کیتا گیا اے۔ کراچی یونیورسٹی توں ڈاکٹر عمیر محمود صدیقی، پیر ابوالحسن محمد شاہ آف بھیرہ شریف، محمد حسن حسیب الرحمن تے دارالعلوم حقانیہ، اکوڑہ خٹک دے مولانا حمید الحق حقانی ،علامہ محمد حسین اکبر، سید ضیا اللہ شاہ بخاری ،پیرزادہ جنید امین ،حافظ محمد طاہر محمود اشرفی، مفتی محمد زبیر، سید محمد حبیب عرفانی تے مولانا نسیم علی شاہ نوں ممبر تعینات کرن دی منظوری دتی گئی اے۔
Load/Hide Comments





















