الیکشن کمیشن عمران خان نوںکراچی دا دورہ کرن توں روکے، مریم اورنگزیب

اسلام آباد(پنجابی میڈیا گروپ) پاکستان مسلم لیگ (ن) دی ترجمان مریم اورنگزیب نے وزیراعظم عمران خان دے دورہ کراچی تے ترقیاتی پیکج دین اتے الیکشن کمیشن دے نال فوری نوٹس لیندے دا مطالبہ کردیاں ہویا ںٰآکھیا اے کہ الیکشن کمیشن عمران خان نوں این اے 249 دے ضمنی الیکشن دے دوران کراچی دا دورہ کرن توں روکے ۔ اپنے بیان وچ اوہناں نے مزیدآکھیا اے کہ اک پاسے ارکان قومی اسمبلی نوں حلقے وچ جان دی اجازت نہیں تے دوجے پاسے قاعدے قانون دی دھجیاں اڑادیاں ہویاں سلیکٹڈ وزیراعظم ترقیاتی پیکج جاری کر رہے نیں ۔مریم اورنگزیب ہوراں نے مزیدآکھیا اے کہ تن سال عمران صاحب نوں کراچی لئی اک روپیہ یاد نہیں آیا تے این اے 249 دے الیکشن دے دوران 11 ارب یاد آ گیا۔لیگی رہنمانے مزیدآکھیا اے کہ عمران صاحب تہاڈے کول گیارہ روپے نہیں کراچی دے لوکائی نوں گیارہ ارب دا جھوٹھ کیوں بول رہے اوہ۔

اپنا تبصرہ گھلو