اسیں ہن وی پی ڈی ایم نوں متحد ویکھنا چاہندے آں ، نوازشریف
اسلام آباد( پنجابی میڈیا گروپ )سرکار مخالف اتحاد (پی ڈی ایم) دے سربراہ مولانا فضل الرحمان تے مسلم لیگ( ن) دے تا حیات قائد نوازشریف دے وچکار ٹیلی فونک رابطہ ہویا اے۔ جہدے وچ ملک دی مجموعی سیاسی صورتحال اتے وچار کیتا گیا۔ ذرائع داآکھنا اے کہ نوازشریف نے مولانا فضل الرحمن دی صحت بارے دریافت کیتا۔ دوواںقائدین نے اک دوجے نوں رمضان المبارک دی مبارکباد وی دتی۔ ٹیلیفونک رابطے وچ دوواں رہنمائواں نے ملکی سیاسی صورتحال اتے وچار کرن دے نال نال پی ڈی ایم دی آئندہ دی حکمت عملی اتے وی گل بات کیتی۔ نوازشریف نے مولانا نوں یقین دلایا کہ تہاڈے اتے پوری طرحاں اعتماد اے ‘اسیں ہن وی پی ڈی ایم نوں متحد ویکھنا چاہندے آں ،ذرائع داآکھنا اے کہ نوازشریف نے پیپلزپارٹی تے اے این پی دا معاملہ اتے چھڈ دتا اے ‘شاہد خاقان عباسی اپنے بیان دی وضاحت کرچکے نیں۔ پی ڈی ایم دے سربراہ مولانا فضل الرحمان نے آکھیا اے پی ڈی ایم نوں متحد رکھن لئی پیپلز پارٹی دی قیادت توں وی رابطے واں۔





















