غزل
عظمت نصیب
تھل دا واسا سی پانی لبھدا سی
چھنبھ دے اندر دی روانی لبھدا سی
یاراں دے ہندیاں وی کلم کلا سی
ذات دے اندر کوئی ٹاہنی لبھدا سی
یملے تے یبھلے دی اُٹھک بیٹھک چوں
گل کوئی ُسچل تے سیانی لبھدا سی
لبھ کے مِلدا سی املی رملی نوں
وِچھڑے تے مویاں دی نشانی لبھدا سی
پیراں وچ منزل تے تُردا جاندا سی
جان کے ڈنڈی کوئی انجانی لبھدا سی
نصیبؔ دی عادت سی پھرولدا رہندا سی
سواہ دے ڈھیراں چوں کہانی لبھدا سی
