کرونا ایس او پیز تے عملدرآمد کرن لئے مختلف علاقیاں وچ فوج تعینات
لہور: کرونا ایس او پیز پر عملدرآمد دے لئیے راولپنڈی سمیت مختلف علاقیاں وچ پرہجوم مقامات تے فوج تعینات کردیتی گئی۔فوجی جوان کرونا دی احتیاطی تدابیر دی خلاف ورزی کرن والیاں دی عکس بندی کررے نیں۔ ضلعی انتظامیہ تے پلس دی ٹیماں وی فوج دےنال نیں۔ وفاقی دارلحکومت اسلام آباد وچ فوجی اہلکاراں نے پلس تے انتظامیہ دے نال مختلف علاقیاں تے شاپنگ اسٹوراں دا دورہ کیتا اوتھے موجود گاہکاں تے دکان داراں نوں ایس او پیز تے عمل درآمد کرن دی ہدایت کیتی۔ایس توں علاوہ پنجاب حکومت نے وی پاک فوج دی خدمات منگ لئی اے۔ ذرائع دے مطابق محکمہ داخلہ پنجاب دے ولوں پاک فوج دی 5 کمپنیاں دی خدمات منگی گئی اے۔ پاک فوج دے جوان ضلعی انتظامیہ دے نال رل کے ایس او پیز تے عملدرآمد کروان گے۔پاک فوج طلب کرن لئی وفاقی وزارت داخلہ نوں خط لکھیا گیا جس دی منظوری وی ہو چکی اے۔ فوجی جوان لاہور، راولپنڈی، گوجرانوالہ سمیت 5 اضلاع وچ تعینات ہون گے۔





















