اسفند یار ولی دا سانحہ قصہ خوانی تے برطانیہ توں معافی منگن دا مطالبہ
پشاور: اسفند یار ولی خان نے سانحہ قصہ خوانی تے برطانیہ توں معافی منگن دا مطالبہ کیتا اے۔عوامی نیشنل پارٹی دے مرکزی صدر اسفند یار ولی خان نے اک بیان وچ کہیا اے کہ سانحہ قصہ خوانی دے 91 سال مکمل ہون تے تاریخ نوں درست کرن لئی معافی منگی جائے، برطانوی حکومت نوں پارلیمنٹ وچ ان شہداء توں معافی مانگنی چاہیدی اے تے اپنی غلطی تسلیم کرنی چاہیدی اے، تاریخ نوں غلط رنگ دے کر غلطیاں تے ظلم نوں لکایا نہیں جاسکدا، حقیقت سامنے آہی جاندی اے۔اسفندیارولی خان نے کہیا کہ پوری دنیا نوں اے گل منوانی ہوئے گی کہ انگریزاں نے اوس وقت طاقت دا غلط استعمال کرکے سینکڑاں نہتے کارکناں نوں شہید کیتا، قصہ خوانی دی گلیاں، سڑکاں تے بالخصوص یادگار شہداء آج وی ہر شہید دی قربانی دی گواہی دے رہی اے، پشاور،قصہ خوانی سمیت دیگر واقعات وچ شہید ہون والیاں دی قربانیاں دی بدولت سانوں آزادی نصیب ہوئی۔





















