بابر اعظم نے کمزورحریف توں ہارن نوں تکلیف دہ قرار دے دتا

لہور: بابر اعظم نے کمزور ترین حریف توں ہارن نوں تکلیف دہ قرار دے دتا۔دوجے ٹی ٹوئنٹی وچ زمبابوے توں شکست توں بعد بابر اعظم توں سوال کیتا گیا کہ جنوبی افریقہ وچ 200توں زائد دا ہدف وی حاصل کرلیا،ہن اک کمزور ٹیم دے مقابل 119رنز وی نہیں بنا سکے،ایس دی کی وجہ سی۔جواب وچ بابر نے کہیا کہ اے شکست وڈی تکلیف دہ آے، گرین شرٹس نوں یکطرفہ فتح حاصل کرنا چاہیدی سی،اسی بہت ہی خراب کرکٹ کھیڈی، ساڈی مڈل آرڈر بیٹنگ مشکلات دا شکار اے لیکن ایس میچ وچ تے پوری بیٹنگ لائن ہی خرابی دا شکار رہی، اوپنر رنز نہیں بناسکے، بعد وچ آن والے دیگر بیٹسمین وی وکٹاں گنواندے رہے، زمبابوے دے بولراں نوں وی کریڈٹ دینا چاہیداے کہ اینہاں نے سیریز وچ زبردست کم بیک کردے ہوئے اپنی کنڈیشنز دا بھرپور فائدہ چکیا۔اک سوال تے بابر اعظم نے کہیا کہ پچ وچ ڈبل پیس سی لیکن اینی مشکل نہیں سی پہلے میچ ورگی سی، بطور پروفیشنل بیٹنگ لائن نوں ہر طرح دی کنڈیشنز وچ پرفارم کرنا آنا چاہیداے۔

اپنا تبصرہ گھلو