اسپتالاں وچ آکسیجن دی فراہمی دی صلاحیت دباؤ دا شکاراے، اسد عمر
کراچی: وفاقی وزیر منصوبہ بندی اسد عمر نے خدشہ ظاہر کیتا اے کہ اسپتالاں وچ آکسیجن دی طلب وچ اضافے دے باعث آکسیجن دی فراہمی دی صلاحیت ہن دباؤ دا شکاراے۔ گورنرہاؤس کراچی وچ کرونا وائرس دی تیجی لہر تے ایس او پیز تے عملدرآمد توں متعلق اعلیٰ سطحی دا اجلاس ہویا، جیس دی صدارت صدر مملکت ڈاکٹر عارف علوی نے کیتی، اجلاس وچ وفاقی وزیر منصوبہ بندی اسد عمر، گورنر سندھ عمران اسماعیل، وفاقی وزیرعلی حیدر زیدی، سینیٹر سیف اللہ ابڑو، ایم این اے جے پرکاش، اراکین صوبائی اسمبلی فردوس شمیم نقوی، خرم شیر زمان، حلیم عادل شیخ تے بلال غفار وی شریک ہوئے۔اجلاس وچ بریفنگ دیندے ہوئے وفاقی وزیر برائے منصوبہ بندی اسد عمر دا کہنا سی کہ ملک وچ کرونا وائرس دے پھیلاؤ دی صورتحال تشویشناک ہوندی جارہی اے، تے اسپتالاں وچ آکسیجن دی طلب وچ اضافے دے باعث آکسیجن دی فراہمی دی صلاحیت ہن دباؤ دا شکاراے۔





















