کورونا وائرس: لہور وچ شام6 وجے توں بعد فوج کنٹرول سنبھالے گی
لہور(پنجابی میڈیا گروپ)کورونا وائرس دے ودھدے کیسز دے پیش نظر لہور وچ شام 6 وجے توں بعد فوج کنٹرول سنبھالے گی۔ذرائع دے مطابق کسی شخص نوں غیرضروری طور تے گھروں نکلن دی اجازت نہیں ہووے گی۔ ایمرجنسی دی صورت وچ شناختی کارڈ وکھانا لازمی ہووے گا۔ سرکاری ملازمین دفتر دا کارڈ وکھا کے سرگرمیاں جاری رکھ سکن گے۔ فوج 150 گڈیاں وچ گشت کرے گی۔یاد روے پچھلے روز کورونا دے حوالے توں فوج دی خدمات حاصل کرن دا نوٹیفکیشن جاری کیتا گیا سی۔ وزارت داخلہ ولوں جاری نوٹیفکیشن دے تحت گلگت بلتستان، کشمیر، خیبر پختونخوا، بلوچستان، پنجاب تے اسلام آباد اپنی لوڑ دے مطابق کورونا ایس او پیز تے عملدرآمد کرانے لئی پاک فوج دی خدمات لین گے۔ شیخ رشید داآکھنا سی کہ ایہہ اک بوہت وڈا تے اہم فیصلہ اے۔ کیونکہ ساڈے گوانڈی ملک بھارت دی صورتحال انتہائی گھمبیر اے،اوتھوں دے شمشان گھاٹ تے قبرستاناں وچ جگہ مک گئی اے۔ ہزاراں دی تعداد لوکائی مر رہے نیں۔





















