کورونادی صورتحال دن بدن وگڑ دی جا رہی اے :فردوس عاشق اعوان
لہور(پنجابی میڈیا گروپ)معاون خصوصی اطلاعات پنجاب ڈاکٹر فردوس عاشق اعوان داآکھنا اے کہ کرونا وائرس دی صورتحال روز بروزوگڑ دی جا رہی اے۔ اسپتالاں وچ آکسیجن فراہمی نوں ہر صورت یقینی بنایا جاوے گا۔ وبائی صورت حال دا ناجائزفائدہ چک کے آکسیجن سلنڈرز مہنگے داماں ویچن والیاں دے نال آہنی ہتھاں نمٹیاں جا وے گا۔ سماجی رابطیاں دی ویب سائٹ ٹوئٹر اتے اپنے بیان وچ فردوس عاشق اعوان داآکھنا سی کہ متعلقہ محکمہ آکسیجن سپلائی کرن والی کمپینز دے نال مسلسل رابطے وچ روے گا۔ فردوس عاشق ہوراں نے مزیددسیا کہ وزیراعلی پنجاب عثمان بزدار نے اسپتالاں وچ وینٹی لیٹرزتے آکسیجن بیڈز دی تعداد فوری ودھان دی ہدایات جاری کردتیاں نیں۔معاون خصوصی نے مزیدآکھیا اے کہ کرونا دی وجہ توں ہسپتالاں وچ دبائو ودھ رہیا اے۔ عوام ہوش دے ناخن لین ایس او پیز اتے عملدرآمد یقین بنان۔
Load/Hide Comments





















