عمران خان عوام دی جیباںاُتے ڈاکہ مار رہے نیں،بلاول بھٹو
اسلام آباد (پنجابی میڈیا گروپ)پاکستان پیپلزپارٹی دے چیئرمین بلاول بھٹو زرداری نے بجلی تے گیس دے مہنگے بلاں دے معاملے اتے پی ٹی آئی سرکار اتے کڑی تنقید کردیاں ہویاں ٰآکھیا اے کہ آئی ایم ایف نے عمران خان نوں بجلی دے بل ودھان دی ہدایت کیتی تے پی ٹی آئی سرکار نے بجلی مہنگی کرن دا آرڈیننس جاری کردتا اے۔ وزیر اعظم نے آئی ایم ایف دی ہدایات تے پاکستانی معیشت نوں چلاکے ملکی وقار نوں ملیامیٹ کردتا،پاکستان دے لوکائی اپنے بجلی تے گیس دے مہنگے بلاں دے ذریعے عمران خان دی آئی ایم ایف ڈیل وچ نااہلی دا خمیازہ بھگت رہے نیں۔ چیئرمین بلاول بھٹو زرداری نے آکھیا کہ مہنگی بجلی دے صدارتی آرڈیننس تے نیپرا ایکٹ وچ ترمیم دے بعد عمران خان عوام دی جیباں توں 700 ارب روپے توں زائد کڈوان دا منصوبہ بنا چکے نیں۔ عمران خان نوں اپنی جس کارکردگی اتے فخر ہو گیا اے عوام ہتھاں وچ بجلی تے گیس دے مہنگے بل لے ایس کارکردگی نوں لبھ رہے نیں۔ بلاول بھٹو نے مزیدآکھیا اے کہ آٹھ روپے فی یونٹ اتے بجلی دا بل پھاڑدین والے عمران خان 21 روپے فی یونٹ تکی بجلی مہنگی کرکے اپنی کارکردگی دے گن گارہے نیں۔





















