کورونا دے طوفان نے قوم نوں ہلا کے رکھ دتا اے، بھارتی وزیراعظم

نویں دہلی( پنجابی میڈیا گروپ) بھارتی وزیراعظم نریندر مودی نے بالآخر ملک وچ کورونا دی ہلاکت خیز لہر نوں تسلیم کردیاںہوئیاںآکھیا اے کہ کورونا دے طوفان نے قوم نوں ہلا کے رکھ دتا اے۔
بھارتی میڈیا دے مطابق بھارتی وزیراعظم نریندر مودی نے قوم نال خطاب کر دئیاں آکھیا کہ کورونا دی تیجی لہر نے طوفان دی صورت اختیار کرلئی اے جس نے پورے ملک نوں ہلا کے رکھ دتا اے۔ لکھاں افراد کورونا نال متاثر ہوئے نیں تے ہزاراں ہلاک ہوچکے نیں۔
وزیراعظم مودی نے شہریاں نوں چھیتی چھیتی ویکسین لوان دی اپیل کردیاں ہوئیاں آکھی کہ ویکسین لوان تے ایس اوپیز دی سختی نال پابندی کرکے ہی اسیںایس بیماری اُتے قابو پا سکدے آں تے ایہ سب اتحاد تے اتفاق توں بغیر ممکن نہیں۔
واضح رہے کہ بھارت وچ کورونا دی تیجی لہر وچ یومیہ3لکھ60ہزار توں ودھ افراد وائرس دا شکار ہو رہے نیں جد کہ3ہزار دے نیڑیہلاکتاں ہوئیاں نیں۔ اسپتالاں دے باہر مریضاں تے شمشان گھاٹ وچ آخری رسومات لئی لواحقین دیاں لائیناں لگگیاں نیں۔

اپنا تبصرہ گھلو