وزیراعظم عمران خان دا کورونا دے ودھدے کیساں اُتے تشویش دا اظہار
اسلام آباد( پنجابی میڈیا گروپ)وزیراعظم عمران خان ہوراں کورونا دے ودھدے کیساں اُتے تشویش دا اظہار کیتا تے آکھیا کہ احتیاط بہت ضروری اے، کورونا ایس او پیز اُتے ہر صورت عمل کرایا جائے۔
وزیراعظم دی زیر صدارت وفاقی کابینہ دا اجلاس جاری اے جس وچ ملک اندر کورونا دی تازہ صورتحال دا جائزہ لیتا گیا۔ وزیراعظم نوں کورونا ویکسی نیشن دے عمل اُتے وی بریفنگ دتی گئی جس وچ دسیا گیا کہ40سال توں ودھ عمر دے افراد دی ویکسینیشن دا عمل شروع کر دتا اے۔
وفاقی کابینہ 12 نکاتی ایجنڈے اُتے غور کرے گی۔ کابینہ کورونا ویکسین دی ریٹیل قیمت مقرر کرن دی منظوری تے ممنوعہ بور دے لائسنس بارے وزارت داخلہ دی سمری اُتے غور کرے گی۔ کابینہ پاکستان تے سعودی ترقیاتی فنڈ دے درمیان مفاہمتی یادداشت دی منظوری دیئے گی۔
Load/Hide Comments





















