اے لیول دے امتحان شروع، بغیر ماسک سینٹر وچ داخلہ منع

لہور، اسلام آباد( پنجابی میڈیا گروپ)لہور برٹش کونسل دے زیر اہتمام اے لیول دے امتحان شروع کر دتے گئے۔ لہور وچ امتحان لئی دس سنٹر بنائے گئے نیں۔پہلی شفٹ وچ صبح نو توں دُوجی شفٹ وچ2وجے امتحان دا آغاز ہو رہیا اے۔امتحان لئی کورونا ایس او پیز اُتے عمل کرنا لازمی اے۔ ماسک دے بغیر سنٹر وچ داخلہ منع اے۔ سنٹر دے اندر تے باہر طلبہ دے درمیان دو میٹر دا فاصلہ رکھن دی ہدایت کیتی گئی اے۔ سنٹر دے باہر طلبہ دا بخار چیک کیتا جائے گا تے جناں دا درجہ حرارت ودھ ہوئے گا اوہناں نوں سنٹر وچ داخل ہون دی اجازت نہیں ہوئے گی۔
وزیر تعلیم راجہ یاسر ہوراں آکھیا کہ جیہڑے بال ایس وار امتحان نہیں دینا چاہندے اوہ نومبر دے سیشن اُتے رلت کرسکدے نیں۔ چار ہزار بال اے لیول دے امتحان وچ رلتکر رہے نیں۔ وزیر تعلیم شفقت محمود نے امتحانات دین والے طلبا و طالبات لئی نیک خواہشات دا اظہار کیتا۔

اپنا تبصرہ گھلو