راولپنڈی : پُتر اُتے تشدد دے الزام وچ پیوگرفتار

راولپنڈی( پنجابی میڈیا گروپ) تھانہ صدر بیرونی پولیس نے کارروائی کردیاں ہوئیاں پُتر نوں تشدد دا نشانہ بنان والے پیو نوں گرفتار کرلیا۔
سی پی او محمد احسن یونس نے بال اُتے تشدد دی ویڈیو دا نوٹس لیندیاں ہوئیاں ملزم نوں فوری ٹریس کرکے گرفتارکرن دا حکم دتا۔ ایس ایچ او صدر بیرونی نے اپنی ٹیم دے ہمراہ کارروائی کردیاں ہوئیاں ہیومن انٹیلی جینس دی مدد نال بال اُتے تشدد کرن والے سنگدل باپ محمد یاسر نوں ٹریس کرکے گرفتار کرلیا۔
ابتدائی تفتیش دے مطابق سنگدل باپ نے اپنے بیٹے نوں جھوٹ بولن اُتے تشدد دا نشانہ بنایا، بچے اُتے بہیمانہ تشدد دی ویڈیو سامنے آنیاُتے سی پی او محمد احسن یونس دی پالیسی تے ہدایت دے مطابق تھانہ صدر بیرونی وچ پولیس دی مدعیت وچ مقدمہ درج کیتاگیا۔ ایس ایچ او دے مطابق ملزم نوں قرار واقعی سزا دلوان لئی بچے دے میڈیکل سنے سارے قنونی تقاضے پورے کیتے جارہے نیں۔

اپنا تبصرہ گھلو