سب ٹھیک اے، حملیاں دی وجہ توں ہون والے نقصان دا تخمینہ لایا جا رہیا اے: ٹرمپ

واشنگٹن: امریکی صدر ٹرمپ نے ایرانی میزائل حملیاں دے بعد پیغام وچ آکھیا سب ٹھیک اے، ایران نے عراق وچ دو امریکی اڈیاں نوں نشانہ بنایا، حملیاں دی وجہ توں ہون والے نقصان دا تخمینہ لایا جا رہیا اے۔

امریکی فوج سب توں طاقتور اے۔ خیال رہوے جنرل قاسم سلیمانی دے قتل دے بعد ایران ولوں بغداد وچ عین الاسد تے اربیل امریکی ہوائی اڈیاں تے راکٹ حملے کیتے گئے۔

سپریم لیڈر آیت اللہ خامنہ ای نے آپریشنز ہیڈ کوارٹر آ کے کاروائی دی سربراہی کیتی۔ ایرانی سرکاری میڈیا دا دعویٰ اے عراق وچ امریکی ایئر بیس تے 30میزائل داغے گئے، امریکا توں بدلہ لیندیاں ای پاسداران انقلاب دے جنرل قاسم سلیمانی دی تدفین کرمان وچ کر دتی گئی۔ اودھر عراق دی پاپولر موبائلائزیشن فرنٹ نے وی امریکی فوج دے خلاف آپریشن دا اعلان کر دتا۔

50% LikesVS
50% Dislikes

اپنا تبصرہ گھلو